2009 台北之旅 ~ Day 2 (I)

今日原本安排係 8 點半離開酒店去九份, 點知由於尋晚太夜先瞓, 同埋大家都懶惰, 所以成十一點幾先出發, 去咁多次旅行, 都未試過咁"雁"都仲喺酒店嘅.

台北車站內

話咁快就到咗瑞芳喇.

瑞芳站個月台就好普通, 但係落到下面條通道就好靚, 整得好日本 feel, 仲有日文添, 其他地方好似未見過.

去九份係要再轉車, 就係喺瑞芳站對面呢個位轉巴士喇, 當日我哋到嘅時候, 條人龍都幾長下, 唔知幾時先有車同唔知上唔上到我哋, 所以我哋又再洗出懶人本色, 打的是也. 喺的士站嗰到都又寫去邊到收幾多 $ 嘅, 去九份就要 NT$180, 不過佢話我哋五個人要加 $, 要 NT$220, 照去啦.

喺車到, 個司機就問我哋等陣會去邊到, 我哋就話會去十分, 平溪呀咁, 跟住佢就話等車要去好耐喎, 心諗 .... 梗係想 sell 我哋包車啦, 最後當然如我所想啦, 其中一個有錢懶團友就梗係舉腳贊成啦, 另外一位慳家團友就唔係咁贊成, 另外嗰兩位費團友就無意見, 所以唔知點算. 嚟得自油行, 就梗係想體驗下搭車啦, 但係我亦都好同意有時係會嘥咗啲無謂嘅時間. 呀司機開價 NT$2200 去邊到都可以, 兼夾返埋台北, 其實價錢都幾吸引, 五個人喎, 我就梗係無所謂啦, 我坐前面鞏司服, 佢哋四個坐後面就辛苦啲. 最後我哋決定搵佢車我哋去周邊嘅地方, 唔洗返台北, 咁佢就收我哋 NT$1800.

好, 向九份進發.

頭先搭車前係咁爾食咗個冬甩, 梗係要醫下個肚先, 唔記得邊個提議去食呢間魚丸喇. 原本都覺得幾 ok, 但係後嚟食咗第二檔, 真係無得 flight, 呢間輸晒.

To be continued ..... 台北之旅 ~ Day 2 (II)