2009 台北之旅 ~ Day 3 (I)

第三日我哋又係遲遲先起身, 所以一出去就即刻去食 mum mum 先啦!

先去食 鼎泰豐, 佢初初嚟香港嗰時我就食過, 麻麻嗟, 睇吓台灣係埋真係咁堅先?

我哋係去永康街嗰間, 都幾多人排隊喎. 不過佢好有制度, 先比個 number 你, 跟住叫你點餸先, 坐低就有得食㗎喇, 所以佢啲人留都好快, 我哋都係等咗都唔洗 10 分鐘. 啲環境都幾企理, 不過我哋差唔多食完嘅時候, 見到小強喺牆上面呀.

烤麩 & 青瓜, 兩樣都 ok

上面係普通小籠包, 下面係蟹粉小籠包, 個人覺得普通好食啲, 蟹粉搶咗啲肉味, 但係又唔係好蟹粉, 所以 ... 麻麻哋.

最欣賞佢夾咁耐都唔會甩底呀.

食飽飽, 行吓街先, 無意中咁發現呢間 Birkenstock, 外面裝修得幾靚, 好優閒咁, 裡面就麻麻, 同埋好小款, 買就要去西門町嗰間喇, 多好多款. 最後我哋梗係無喺呢到買啦.

跟住落嚟又係食, 成日都食食食, 唔怪得之 .... 啦. 呢間 冰館 又係本人嘅另一推介, 喺呢個炎炎夏日, 食翻一個刨冰, 真係賞心樂事, 最緊要係好味丫嘛.

諗起都即刻想整返碗呀. 遺一嘅缺點就係坐得唔舒服囉, 呢到扣少少分啦, 不過絕對唔影響我嘅推介, 呢啲小事嚟嗟.

我哋就係食大啲嗰個, 三個人一齊食, 我無食奇異果嗰邊呀, 而芒果同士多啤梨, 唔 ..... yummy yummy, 佢上面有啲奶, 加埋啲冰, 雪糕, 又一個字 正.

To be continued ..... 台北之旅 ~ Day 3 (II)