咁似日本啲渠蓋嘅?
重頭節目嚟喇, 嚟呢到最主要嘅目的就係 .... 放天燈, 即是我哋啲古裝片嘅孔明燈囉, 咁大個女都係第一次放咋, 先同個未開封嘅天燈影下相先, NT$100 一個㗎, 我哋一人一個, 各自寫自己嘅願望.
再嚟個大合照先. 原本諗住喺條橋嗰到放, 點知司機叔叔話車我哋去個空曠啲嘅地方先放, 就係喺前啲, 呢個應該係停車場嘅地方喇. 咁都幫我哋諗埋, 抵讚啦. 仲有喎, 佢幫我哋點埋火, 如果無佢, 真係唔知點算. 放天燈, 要先放喺燈底, 放一搭好似嗰啲金銀衣紙嘅嘢先點火, 嗰搭嘢係浸咗啲花生油㗎.
拜拜喇, my 天燈, 心想事成 ...
離開平溪, 我哋決定坐上的士返酒店喇! 喺呢個時候, 大家對於呢個決定, 都完全無反對, 一致同意. 沿途, 大家都喺到大覺索, 不過我又唔係好瞓得著同埋又唔係好敢瞓, 始終坐車頭好似有啲責任咁. 我又驚司機叔叔都瞓埋吖嘛. 由於司機叔叔嘅服務態度非常之好, 所以我哋又一致決定比 NT$300 tips 佢, 即係共 NT$2500 全程. 今時今日咁嘅服務態度先係丫嘛 - 佢真係聽劉生話喇.
離開酒店, 就去西門町閒逛, 第一時間醫肚先, 是但揀咗間食拉麵嘅嘢, 唔好食㗎, 千祈咪去呀.
老天祿 的鴨腎. 我都買咗一盒麻辣鴨舌返嚟, 絕對唔平 NT$500, 其實得 20 隻到我估, 同埋最重要係無想像中鞏好食, 一般囉, 我覺得香港嗰啲滷水好食過佢啦, 唔知點解咁多人買呢?
其實佢哋係 ................ 綿花糖嚟之嘛.
無聊嘅月台相.
今晚我哋安排咗去 師大夜市, 之前有同事話嗰到好多嘢食, 一定要去. 唔知係咪我哋太夜去呢, 得嗰幾檔嘢咋, 好多都收咗檔喇, 最後我哋係全雞宴 - 鹽酥雞, 鹽水雞 & 豪大大雞扒, 呢樣一定要翻嚼㗎啦, 另外又買咗一杯珍珠奶茶飲, 我覺得台灣嗰啲好飲啲, 啲珍珠比較細粒同埋林啲, 好好味, 話鞏快就飲晒喇.
喺去師大夜士嘅時候, 我哋喺捷運遇到靈異事件呀........ 話說我哋喺西門町去台北車站再轉車去台電大樓站 (最近師大夜市嘅站), 一路搭車一路喺到傾計, 見到古亭站咁下一個站咪台電大樓囉, 點解會去咗頂溪嘅, 哎, 我哋搭錯線添 ( 捷運下面有兩條分差線, 係用古亭站做分差嘅 ). 好, 咁我哋搭返回頭車, 去另外一個月台搭啦, 今次睇清楚係綠色線, 大家都話無錯喇喎, 跟住我望到個 display 寫住去新店 (我哋要搭嗰條線嘅總站) 4 分鐘後先有車, 點知轉頭就有車, 咁我無理咪上車囉. 上到去有位坐下先, 開車後望下車上面嗰個 display, 點解又係去頂溪嘅, 頂 ...... , 我哋四個人差啲笑到碌地. 最後, 我哋決定喺頂溪落車轉的士, 唔出由自可, 一上大堂, 我個 friend 即刻比個 staff 截住, 話佢喺入閘後食嘢 ( 當時佢食緊香口膠 ), 咁就叫佢簽咗份唔知警告書定乜東東, 哈, 你話係咪好邪呀. 哈哈 .......
To be continued ..... 台北之旅 ~ Day 3 (I)
沒有留言:
發佈留言