2009 台北之旅 ~ Day 4 (III)

要走喇, 回程我哋搭 國光客運, NT$125 一個, 搭咗一個鐘到喇, 由酒店行去總站都要 5-6 分鐘到, 不過拎住鞏多嘢, 有啲辛苦嗟, 呢到就係上車嘅地方喇, 去到啱啱好有車, 唔洗等

2009 台北之旅 ~ Day 4 (II)

食完飯, 仲有好多時間, 再去西門町作最後衝刺, 其實係買手信時間先真, 有好多嘢都未買呀.

2009 台北之旅 ~ Day 4 (I)

第四日 last day, 要走喇, 真係有啲唔捨得, 無論去邊到旅行, 都會有呢種感覺, 可能去到第二到, 你可以忘記晒身邊嘅煩擾, 乜都唔洗諗, 淨係諗住食買玩.

今日第一個行程就係 台北 101, 我就未去過, 只係想去到此一遊嗟, 因為呢到等如我哋嘅又一城, 你話有無嘢好去呀. 我哋都無上到去展望台, 因為要成 NT$400 一個人, 其實都幾貴, 同埋我哋又山窮水盡, 所以決定唔去.

2009 台北之旅 ~ Day 3 (III)

離開咗淡水, 首先返酒店放低啲嘢先, 因為買咗好多鳳梨酥, 我哋去咗 京采餅舖 到買手信, 係我個同事推介嘅, 因為佢啲鳳梨酥係低糖, 所以就去買. 我呀爸都話幾好食, 仲問我有無添, 我都無買比我自己, 因為我都唔食嘅.

嚟緊呢個晚餐係唯一一餐坐底慢慢嘆嘅, 呢間 麻飛 打邊爐, 係我有個 friend 極力推介嘅, 講真, 真係唔錯, 不過台北有好多呢類任食打邊爐, 所以呢間未必係最好, 但係我諗會好過嗰啲出名嘢囉. 我哋成 10 點幾先去, 所以我哋包咗場, 無人同你爭, 鐘意攞乜就攞乜. 佢都好多嘢食, 啲嘢都好新鮮. NT$34X 一個人加一, 即係都係百鯪蚊, 抵啦, 樽裝汽水又任飲, HaagenDaz 同明治雪糕任食, 仲有朱古力噴泉, 想點先.

2009 台北之旅 ~ Day 3 (II)

完成食之旅後, 我哋又即刻向另一個地方邁進, 淡水 我嚟喇.

2009 台北之旅 ~ Day 3 (I)

第三日我哋又係遲遲先起身, 所以一出去就即刻去食 mum mum 先啦!

先去食 鼎泰豐, 佢初初嚟香港嗰時我就食過, 麻麻嗟, 睇吓台灣係埋真係咁堅先?

2009 台北之旅 ~ Day 2 (IV)

咁似日本啲渠蓋嘅?

2009 台北之旅 ~ Day 2 (III)

好快就去到十分喇, 呢個地方非常鄉下, 好似無乜人咁, 呢到最特別嘅就係可以喺呢條鐵路到行嚟行去囉, 瞓喺到都得㗎! 十分就係得呢條街㗎咋, 住喺呢到嗰啲人都幾司服.

 

2009 台北之旅 ~ Day 2 (II)

呢個係幫人買嘅苣蒻, 唔知好無食呢? 好似得一檔有得買, 不過西門町都有, 好彩我哋有㗎車咋, 唔係唔知點拎呀, 重搭搭.

2009 台北之旅 ~ Day 2 (I)

今日原本安排係 8 點半離開酒店去九份, 點知由於尋晚太夜先瞓, 同埋大家都懶惰, 所以成十一點幾先出發, 去咁多次旅行, 都未試過咁"雁"都仲喺酒店嘅.

台北車站內

2009 台北之旅 ~ Day 1 (IV)

返到酒店喇, 開頭 book 呢間酒店幾驚佢會好差, 但係都 ok, 幾好喎, 同埋非常之方便, 一出捷運站口, 唔洗 2 分鐘就到喇, 當你拖住疲伐嘅身軀, 又嗱住啲一袋二袋, 仲要行一大段路先返到酒店, 呢種滋味我試得多, 尤其是自由行, 所以死人都要近車站, 好彩啲團友都無反對同都覺得 ok, 我都安心啲.

2009 台北之旅 ~ Day 1 (III)

跟住我哋就去咗間餐廳到坐吓食吓 tea, 個環境都 ok 一般啦, 無乜特別.

2009 台北之旅 ~ Day 1 (II)

無驚無險咁就到咗花田喇, 不過可惜天公唔做美, 有啲毛毛雨, 天色陰暗, 所以啲相都唔係咁靚, 我諗有太陽伯伯嘅出現會好好多.

2009 台北之旅 ~ Day 1 (I)

我哋今次一行五女, 玩得非常開心, 好耐無試過幾個女仔去旅行喇! 呢個旅行同老公去嗰啲唔同, 大家玩法唔同, 不過亦令到大家不知不覺咁洗大咗, 其實唔知買咗啲乜, 我都唔覺有啲乜帶返嚟, 但係盤川用盡, 仲要問人借, 好彩有位有錢朋友同行, 唔係唔知點算呢? 去咁多次旅行都未試過㗎, 只有用淨 $, 要夾硬用埋, 邊有要時時計住仲有幾多錢㗎, 真失敗, 最後用淨 - 港幣 $5 & 台幣 $15 返嚟, 哈哈 .... 諗住去台北就係無乜嘢買, 點知 .....

去程: KA486, 0815 起飛 / 回程: KA483, 2055 起飛 / 全程入住 天成大飯店