好快就去到十分喇, 呢個地方非常鄉下, 好似無乜人咁, 呢到最特別嘅就係可以喺呢條鐵路到行嚟行去囉, 瞓喺到都得㗎! 十分就係得呢條街㗎咋, 住喺呢到嗰啲人都幾司服.
行嗰時要小心啲, 因為隨時有火車嚟到都唔知㗎, 雖然一個鐘先一班, 但係都有機會遇到㗎! 我哋就啱啱遇上喇.
司機叔叔原本話喺呢條橋對面等我哋㗎, 點知條橋維修, 個司機叔叔特登走嚟話比我哋聽條橋唔行得, 佢會喺原地到等我哋呀, 都話佢好人㗎啦.
呢到同九份都有好多天燈仔買, NT$99 一個, 如果夜光嗰啲就貴啲 我都買咗嚟做手信, 懶係特別啲咁.
十分站月台一影. 因為我哋打的, 所以無搭呢㗎火車喇.
呢條火車軌係架空㗎, 可以行上去, 原本諗住行, 不過望下對面都好似無去路, 咁咪又要行返轉頭, 行唔緊要, 突然遇到火車點算, 所以最後都係放棄咗喇.
斜陽伴晚煙, 我像歸鳥倦, 晚霞伴我過稻田 .....
To be continued ..... 台北之旅 Day 2 (IV)
沒有留言:
發佈留言