2009 台北之旅 ~ Day 1 (III)

跟住我哋就去咗間餐廳到坐吓食吓 tea, 個環境都 ok 一般啦, 無乜特別.

只係得三樣嘢揀, 仲要有每人最低消費喎, 即是三個人去, 兩個人叫嘢, 就算夠錢都唔得. 最低限度都要叫個自助飲料吧 NT$180, 所以我唔係咁 recommend 人哋去囉.

一個係簡餐, 一個係 tea set, 我就無食, 啲三文治就比人食晒, 隔離嗰碟就有淨.

呢個湯係跟三文治, 不過我啲 friend 話唔好飲.

嚟個大合照先.

離開嘅時候比較麻煩, 如果諗住打的, 就喺門口問吓啲 staff 可唔可以 call 車, 因為我哋行到出路口係完全無的士嘅, 我哋仲要坐兩架添 (台北的士係四人㗎). 咁我哋咪企喺個巴士站到諗住有乜搭乜啦, 跟住一睇啲時間又唔夾喎. 好彩有個好心叔叔帶我哋去前小小搭啲 no pay 接駁車嗟, 唔係唔知點算

佢話落車嗰到有多啲的士喎, 我哋都要等咗陣先有車, 仲要得一架, 突然間有人諗到不如問吓佢加錢坐五個得唔得, 點知得喎. 自此之後, 哈哈哈 .... 咁就養成我哋嘅惰性喇.

返去桃園車站攞行理, 跟住就搭車去台北喇. 我哋搭嗰班車係有劃位㗎, 有啲車係無嘅, 咁就要企好耐喇.

To be continued ..... 台北之旅 ~ Day 1 (IV)