呢個係幫人買嘅苣蒻, 唔知好無食呢? 好似得一檔有得買, 不過西門町都有, 好彩我哋有㗎車咋, 唔係唔知點拎呀, 重搭搭.
呀女又出場喇, 佢嘅上鏡率都幾高!
行行吓就去咗呢間茶坊飲嘢, 個 view 都唔錯, 不過好小飲嘢揀咋.
我上次去九份係落狗屎, 連件 gore-tex 都入入哋水, 所以無乜點睇嘢, 其實都幾多嘢行, 好彩今日天氣清朗, 雖然唔係話好好太陽, 但係都藍天白雲丫, 好好㗎喇. 如果唔係真係無心機呀.
呢壺係我飲嘅水果茶, 其實似果汁多啲囉, 好甜㗎, 有啲頂唔順呀.
呢個係陶笛, 我諗好多人都見過, 我買咗呢隻鴨仔, 返到嚟都吹過吓, but 有啲難. 唔係難吹, 係有時會走音同埋啲手指好容易走位, 仲要記住咩音放咩手指呢.
呢間就係我話好食嘅魚丸喇!
睇吓有四粒㗎, 有兩粒同款嘅. 細啲白色嗰粒係花枝, 即係墨魚丸啦, 呢粒就普通啲, but 都好食, 再細啲嗰兩粒唔知係乜, 但係好彈牙, 同埋好似有啲蔬菜咁㗎. 最大嗰粒裡面有啲餡㗎, 又係好 juicy, 好食過香港啲多多聲, 平時喺香港我都唔食嘅, 因為裡面油臘臘, 油多過肉, 最鬼憎. 呢個又係一個字 正.
要離開九份喇, 因為跟住落嚟仲有行程家嘛, 唔夠時間喇! 上返的士去, 先去 十分, 㗎車去到瑞芳嘅時候, 司機叔叔停低咗㗎車叫我哋等一陣, 走咗去個檔仔到買嘢食, 我哋仲諗住佢未食嘢, 肚餓添, 點知係買嚟請我哋食㗎喎. 唔通想我哋落搭, 所以請我哋食 ..... 唔好諗到人咁衰, 佢落車都無攞走條車匙, 你就知啦. 我覺得啲台灣人幾 nice, 我哋坐鞏多的士嗰啲司機都好好. 講返呢支嘢先, 又幾好食喎, 叫 "龍鳳腿", 佢裡面有啲魚蛋同蔬菜, 外面就包咗一層豬網油, 係肥啲, 不過好香口, 司機叔叔話係呢到啲特產嚟, 介紹我哋試吓.
To be continued ..... 台北之旅 Day 2 (III)
沒有留言:
發佈留言