離開咗淡水, 首先返酒店放低啲嘢先, 因為買咗好多鳳梨酥, 我哋去咗 京采餅舖 到買手信, 係我個同事推介嘅, 因為佢啲鳳梨酥係低糖, 所以就去買. 我呀爸都話幾好食, 仲問我有無添, 我都無買比我自己, 因為我都唔食嘅.
嚟緊呢個晚餐係唯一一餐坐底慢慢嘆嘅, 呢間 麻飛 打邊爐, 係我有個 friend 極力推介嘅, 講真, 真係唔錯, 不過台北有好多呢類任食打邊爐, 所以呢間未必係最好, 但係我諗會好過嗰啲出名嘢囉. 我哋成 10 點幾先去, 所以我哋包咗場, 無人同你爭, 鐘意攞乜就攞乜. 佢都好多嘢食, 啲嘢都好新鮮. NT$34X 一個人加一, 即係都係百鯪蚊, 抵啦, 樽裝汽水又任飲, HaagenDaz 同明治雪糕任食, 仲有朱古力噴泉, 想點先.
原本 download 咗張九折 coupon (要登記先), 不過唔記得帶出去呀, 激死我喇.
醬料都係任你攞.
牛肉任你食食食.
我哋叫咗鴛鴦鍋, 開頭驚好辣, 不過又唔係喎, 咁梗係唔係叫你淥菜啦, 即係淥牛肉都接受到. 最唔好嘅就係唔知點解放隻手係個鍋上面係好熱㗎, 咁你夾嘢一定要放隻手喺上面家嘛, 真係費解. 放近爐嗰啲碟邊都會好熱㗎, 我個 friend 就咁 "鬎" 到喇, 小心小心.
阿女又有新 look 喇, 佢啲衫仲多過我哋呀, fashion show ...
由於今次嘅行程係由本人全權負責, 而聽日有一位團友會先行告退, 佢好有心咁整助張意見書比我. 當然我係唔會理佢嘅意見啦, 態度只會照舊. 哈哈 ....
To be continued ..... 台北之旅 ~ Day 4 (I)
沒有留言:
發佈留言