2009 台北之旅 ~ Day 4 (I)

第四日 last day, 要走喇, 真係有啲唔捨得, 無論去邊到旅行, 都會有呢種感覺, 可能去到第二到, 你可以忘記晒身邊嘅煩擾, 乜都唔洗諗, 淨係諗住食買玩.

今日第一個行程就係 台北 101, 我就未去過, 只係想去到此一遊嗟, 因為呢到等如我哋嘅又一城, 你話有無嘢好去呀. 我哋都無上到去展望台, 因為要成 NT$400 一個人, 其實都幾貴, 同埋我哋又山窮水盡, 所以決定唔去.

台北 101 的日與夜

呢隻係 101 嘅代言物.

跟住去咗買 阿默典藏蛋糕, 我買咗兩款, 一款 cheeze cake, 一款就係最出名嘅荷蘭貴族手工蛋糕, 都唔平, 但係其實又唔係鞏特別囉, 可以唔試都無問題, 我覺得.

原來仲有一餐我哋係坐低食嘅, 就係 度小月 喇, 呢個 last 嘅午餐, 我哋都好滿意, 臨走時仲買咗兩罐肉燥返嚟添, 我整過, 不過同佢哋有啲出入, 我諗都係唔好自己整喇.

呢個伯伯不停淥麵呀, 淥菜呀咁.

好好味嘅擔仔麵.

呢個炸柯仔就麻麻哋, 可以唔試

其實呢個肉燥飯都係一般. 無我第一日食嗰個咁好.

To be continued ..... 台北之旅 ~ Day 4 (II)