2009 台北之旅 ~ Day 4 (III)

要走喇, 回程我哋搭 國光客運, NT$125 一個, 搭咗一個鐘到喇, 由酒店行去總站都要 5-6 分鐘到, 不過拎住鞏多嘢, 有啲辛苦嗟, 呢到就係上車嘅地方喇, 去到啱啱好有車, 唔洗等

機場有 free wifi, 我帶咗 netbook, 喺閘口等上機時試咗, 嘩 ... 結論係非常差勁, 經常斷線, 唔知乜解究喇, 未試過喺香港機場上, 唔知會唔會都係咁呢?

Hello Kitty 閘口, 對於我嚟講, 無乜特別.

上機喇!

港龍又有一樣差勁嘢, 事源我買咗啲綠豆糕, 諗住叫佢哋幫我雪住, 點知佢話無雪櫃喎, 吓 .... 唔怪得之無汽水飲啦!

有得揀都唔再搭佢呀.

呢個魚幾好食, 我個 friend 唔食魚, 但係無得揀, 後嚟個空中少爺話有個人原本 book 咗食齋, 但係而家唔要, 吖 ... 咁佢食乜呢? 唔通食 .... 魚! 咁我個 friend 就要咗個齋餐, 但係我就睇見都唔想食喇, 得幾粒豆, 望落去淡貿貿咁.

到香港喇! 又係別離嘅時候喇.

台北之旅 ~ 完結