返到酒店喇, 開頭 book 呢間酒店幾驚佢會好差, 但係都 ok, 幾好喎, 同埋非常之方便, 一出捷運站口, 唔洗 2 分鐘就到喇, 當你拖住疲伐嘅身軀, 又嗱住啲一袋二袋, 仲要行一大段路先返到酒店, 呢種滋味我試得多, 尤其是自由行, 所以死人都要近車站, 好彩啲團友都無反對同都覺得 ok, 我都安心啲.
間房都幾大, 起碼大過日本嗰啲啦, 攤開三個喼都 no problem 啦.
第一站先去 美麗華百樂園, 我哋係打的嘅, 因為已經幾肚餓吓. 呢個商場其實去唔去都無所謂, 因為無乜嘢行, 想坐摩天輪嘅就要去啦, 我無坐因為好高, 驚驚哋. 我哋喺 food court 食咗小小嘢頂住先, 因為要去夜市食家嘛.
重頭戲之一 士林夜市, 其實好多年前嚟過, 覺得佢唔係鞏多食, 普通啦, 經過咁多年, 啲地方乾淨咗, 不過都好似係嗰啲嘢食, 未食過就乜都試吓啦. 不過我個肚唔爭氣, 我好容易就要去, 所以我都唔敢食咁多, 食得好小嘢咋.
胡椒餅
我飲咗一杯甜到爆嘅柑桔檸檬, 飲咗幾啖放棄咗喇.
士林最最最 .... 好食嘅 豪大大雞扒, 真係欲罷不能, 雖然佢係非常之大件, 其實佢好薄, 所以我相信一個人都食得晒一塊, 因為真係好好好 .... 味, 強烈推介, 外面脆 bok bok, 裡面好 juicy, 一個字 正. 喺嗰到食完, 我哋忍唔住都買多塊返酒店再隊過.
To be continued ..... 台北之旅 ~ Day 2 (I)
沒有留言:
發佈留言