我哋今次一行五女, 玩得非常開心, 好耐無試過幾個女仔去旅行喇! 呢個旅行同老公去嗰啲唔同, 大家玩法唔同, 不過亦令到大家不知不覺咁洗大咗, 其實唔知買咗啲乜, 我都唔覺有啲乜帶返嚟, 但係盤川用盡, 仲要問人借, 好彩有位有錢朋友同行, 唔係唔知點算呢? 去咁多次旅行都未試過㗎, 只有用淨 $, 要夾硬用埋, 邊有要時時計住仲有幾多錢㗎, 真失敗, 最後用淨 - 港幣 $5 & 台幣 $15 返嚟, 哈哈 .... 諗住去台北就係無乜嘢買, 點知 .....
去程: KA486, 0815 起飛 / 回程: KA483, 2055 起飛 / 全程入住 天成大飯店
坐港龍可以提早喺網上 check in 同揀位, 我哋梗係做咗啦, 所以可以唔洗鞏早去機場, 去到就喺 D19 個 counter 再做手續同寄行理, 以為會好快, 其實只係差小小嗟. 平時有好多時間閒逛同食早餐, 但係今日無喇. 即刻就去到 33 號閘, 等咗一陣就上機喇.
我係第一次坐港龍, 但係我覺得非常差勁, 首先飛機餐超難食, 超鹹, 我只係食咗條菜同幾條唔記得係麵定意粉嘅嘢就無食, 又無獨立電視, 跟住㩒鐘搵空姐攞張毡, 又係無人理我呀. 唔知係咪坐個鯪鐘頭嘅機係咁㗎呢?
一到埗, 第一時間梗係唱錢先啦, 幾多人排隊, 如果有小小台幣夠做台証又或者唔洗做証嘅, 就絕對唔洗喺到排, 出到去過咗海關有兩間銀行, 喺嗰到先唱都唔遲. ( 我哋對 4.2 到啦, 手續費 $10 到, 後嚟去台北市 HSBC 唱, 唔洗手續費, 仲對高啲添 )
林柿先生喺大堂上網等我哋, 咁梗係要同佢影返張相先啦.
我哋第一個目的地就係 大溪花海農場, 要先搭車去桃園市中心再轉車, 其實去呢個花田有啲麻煩, 雖然都去到, 不過用咗好多時間. 出咗機場就喺呢個 71 號牌到等車, 開頭都唔知究竟有無車, 又無人等, 又無人招呼, 打嗰個電話又話佢哋唔同公司喎, 真係驚驚哋呀, 好彩, 原來佢哋啲車好準時, 話幾點嚟就幾點, 無多無小.
一上車, 司機叔叔就會問你去邊, 佢會話你知幾錢, 入錢後佢會比條嘢你, keep 住, 落車要比返佢㗎. ( 機場 > 桃園, 約$10 )
個車箱好舊呀, 不過都尚算 ok 啦.
坐咗差唔多成粒鐘車, 第一時間梗係醫肚先啦, 去咗桃園車站隔離間百貨公司嘅 food court 到食嘢, 求其食啲嘢嗟, 諗住去到花田先再食. 呢個鹵肉飯就係我嘅, 下面嗰份就係我個 friend 嘅, 佢分咗啲甜品比我, 好似叫粉圓, 係無味嘅, 如果無咗啲糖水就真係唔知食緊乜呀.
食飽飽之後, 又開始我哋嘅旅程喇, 首先就梗係要放低我哋啲咁重嘅行理啦. 好彩桃園車站係大站, 有行理托運, 所以有個地方可以寄存行理, 如果唔係, 我唔知點樣可以去到花田囉. 寄行理嘅地方就喺車站嘅左手面 ( 你面向車站計 ). 雖然要收錢, 好似總共都係廿鯪三十蚊, 但係非常值得.
放好行理之後, 就去後面嘅桃園客運總站坐車喇, 要行條地下通道過去㗎, 又係喺左手面, 放行理前面, 過咗後一直行, 無幾遠就見到㗎喇. 去到啱啱有車, 一上車大家都瞓, 大慨都坐咗 45-50 分鐘先到大溪總站, 本來要再轉另一客運, 但係一致通過轉的士.
To Be Continued ..... 台北之旅 ~ Day 1 (II)
沒有留言:
發佈留言