2009年5月20日星期三

2009 台北之旅 ~ Day 2 (III)

好快就去到十分喇, 呢個地方非常鄉下, 好似無乜人咁, 呢到最特別嘅就係可以喺呢條鐵路到行嚟行去囉, 瞓喺到都得㗎! 十分就係得呢條街㗎咋, 住喺呢到嗰啲人都幾司服.
 

2009 台北之旅 ~ Day 2 (II)

呢個係幫人買嘅苣蒻, 唔知好無食呢? 好似得一檔有得買, 不過西門町都有, 好彩我哋有㗎車咋, 唔係唔知點拎呀, 重搭搭.

2009 台北之旅 ~ Day 2 (I)

今日原本安排係 8 點半離開酒店去九份, 點知由於尋晚太夜先瞓, 同埋大家都懶惰, 所以成十一點幾先出發, 去咁多次旅行, 都未試過咁"雁"都仲喺酒店嘅.
台北車站內

2009年5月17日星期日

2009 台北之旅 ~ Day 1 (IV)

返到酒店喇, 開頭 book 呢間酒店幾驚佢會好差, 但係都 ok, 幾好喎, 同埋非常之方便, 一出捷運站口, 唔洗 2 分鐘就到喇, 當你拖住疲伐嘅身軀, 又嗱住啲一袋二袋, 仲要行一大段路先返到酒店, 呢種滋味我試得多, 尤其是自由行, 所以死人都要近車站, 好彩啲團友都無反對同都覺得 ok, 我都安心啲.

2009 台北之旅 ~ Day 1 (III)

跟住我哋就去咗間餐廳到坐吓食吓 tea, 個環境都 ok 一般啦, 無乜特別.

2009 台北之旅 ~ Day 1 (II)

無驚無險咁就到咗花田喇, 不過可惜天公唔做美, 有啲毛毛雨, 天色陰暗, 所以啲相都唔係咁靚, 我諗有太陽伯伯嘅出現會好好多.

2009 台北之旅 ~ Day 1 (I)

我哋今次一行五女, 玩得非常開心, 好耐無試過幾個女仔去旅行喇! 呢個旅行同老公去嗰啲唔同, 大家玩法唔同, 不過亦令到大家不知不覺咁洗大咗, 其實唔知買咗啲乜, 我都唔覺有啲乜帶返嚟, 但係盤川用盡, 仲要問人借, 好彩有位有錢朋友同行, 唔係唔知點算呢? 去咁多次旅行都未試過㗎, 只有用淨 $, 要夾硬用埋, 邊有要時時計住仲有幾多錢㗎, 真失敗, 最後用淨 - 港幣 $5 & 台幣 $15 返嚟, 哈哈 .... 諗住去台北就係無乜嘢買, 點知 .....
去程: KA486, 0815 起飛 / 回程: KA483, 2055 起飛 / 全程入住 天成大飯店

2009年4月24日星期五

2009年2月28日星期六

2009 台北之旅 ~ 預備篇

我哋一行五人決定於 2009.4.26 ~ 29 去台北旅行, 好耐都未試過幾個女仔去旅行喇. 今次揀去台北, 純粹因為平平哋, 坐吓飛機咁, 其實我對台灣嘅好感係麻麻哋㗎. 好多年前去過, 覺得佢好似大陸, 仲要係好舊嗰隻.
Photobucket


而家重未決定住邊間酒店, 原本 search 到一間好似幾好, 幾靚嘅, 點知個 friend 話係炮房嚟嘅, 哎 ..... 屣晒我一番心機. 咁我哋都可能住返 "天成". 仲有大把時間慢慢揀.
Photobucket

2008年10月30日星期四

2008 沖繩之旅 ~ Day 5

今日係要走嘅日子喇, 原本安排咗去國際通個街市閒逛同食魚生, 不過因為 12 點鯪要去到機場, 所以去唔到, 不過唔緊要啦, 下次有機會再嚟囉, 橫掂都有咁地方未去.
Photobucket
呢到就係我哋食早餐嘅地方喇!

2008年10月25日星期六

2008 沖繩之旅 ~ Day 4

快樂嘅時光過得特別快, 不經不覺已經嚟到第四日喇, 好快又要走喇! 真係唔捨得呀.
Photobucket
"海洋博公園 ~ 美之海水族館"

2008年10月22日星期三

2008 沖繩之旅 ~ Day 3

今日正式展開揸車之旅, 食完早餐就梗係要先去攞車啦. 我諗全世界都係去新都心呢間 DFS 攞車㗎喇, 攞車嘅程序好簡單, 我係喺香港東瀛遊 book 嘅, 因為唔識日文費事出錯, 同埋我計過價錢唔係差太遠嗟, 有乜差遲就麻煩.

呢架就係我哋租嘅七人車喇, 非常之新淨, 坐落都好司服!

2008 沖繩之旅 ~ Day 2

今日起身就落酒店嘅餐廳食早餐, 係 buffet 嚟嘅, 都 ok 啦, 包埋家嗎. 日本人真係好自律㗎, 呢到無人收飛嘅, 入到去有個兜仔, 你就放張飛落去囉, 但係無人會 check 你有無放㗎. 仲有一樣嘢, 我哋嘅文化真係好唔同, 人哋攞嘢食攞一次㗎咋, 我哋就謊死洩底咁, 係咁食, 係咁食.
Photobucket
今日最主要就係去渡嘉敷島游水, 個阿波連海灘啲水係幾靚嘅,  不過值唔值得去就兩睇喇, 我地搭咗成個鐘船去, 但係都係游得嗰兩三個鐘, 因為 10 點出發, 4 點就要回程喇, 一日得一至兩班船㗎咋.

呢到就係賣船飛嘅地方喇!

2008 沖繩之旅 ~ Day 1

Star 起飛向沖繩出發 Star

2008年10月20日星期一

2008 沖繩之旅 ~ 序

日期 : 2008年7月22~26日 (航班 ~ 香港快運 HK Express)
去程 : HX2602, 0905 起飛, 1230 到沖繩
回程 : HX2603, 1330 起飛, 1455 到香港

我哋一行 14 人 (10大4小) 浩浩蕩蕩, 順順利利咁完成呢次沖繩之旅, 本人最鍾意就係去日本㗎喇, 不過去得多東京都開始有啲悶同埋要洗好多錢 (好難忍手㗎 ... ). 所以而家開始要向東京, 大阪呀以外嘅啲地方進發, 總之要好好探索日本, 唔可以再沉迷喺 Shopping..Shopping..加 Shopping.

今次咁順利, 首先就梗係要多謝 小海豚 提供有關嘅資料啦, 因為佢上年去過, 所以同佢攞咗好多料, 當然亦唔少得本人嘅努力啦, 通宵達旦咁上網窟料, 經過呢次, 我覺得自己真係可以轉行去做旅行社 plan 行程呀. 不過, 最重要都係啲團友玩得開心, 如果唔係, 做幾多嘢都無用啦!

好喇, 首先同大家講吓我哋嘅行程先, 當中就梗係有啲美中不足嘅, 我哋一至都認為沖繩係可以再去嘅, 比起東京, 呢度係好優遊自在, 行步路都可以慢啲, 比較 relax 一啲, 仲要加埋最重要嘅陽光與海灘呢!