今日正式展開揸車之旅, 食完早餐就梗係要先去攞車啦.
我諗全世界都係去新都心呢間 DFS 攞車㗎喇, 攞車嘅程序好簡單,
我係喺香港東瀛遊 book
嘅, 因為唔識日文費事出錯, 同埋我計過價錢唔係差太遠嗟,
有乜差遲就麻煩.
呢架就係我哋租嘅七人車喇, 非常之新淨, 坐落都好司服!
呢個揸車之旅中一樣好重要嘅工具, 就係個 GPS 喇.
之前有啲人話有問題, touchwood 我無事, 全程妥當,
如果唔係, 好多地方都唔洗去囉, 用法亦都非常簡單,
只係輸入電話號碼就 ok 喇, 同埋可以聽歌㗎,
記得帶埋 MP3 嘅 CD 去呀. 開頭用嗰時,
都會有小小唔適應, 因為佢有小小慢, 有時以為係下個路口,
原來係呢個, 不過 miss 咗都唔洗驚, 佢會即刻幫你搵過條路,
呢個係非常之好. 不過後尾習慣咗, 無嘢喇. 不過都要睇住,
所以全程, 除咗司機, 我都係無覺訓, 後面嗰啲人就全部"割割"聲,
哎.....
"玉泉洞"
呢到啲苦瓜鞏出名, 點可以唔試吓佢嘅雪糕呢,
我係唔食苦瓜嘅, 不過都試咗一啖, 食到最美先有小小苦味㗎嗟.
玉泉洞其實係一個鐘乳石洞, 講真, 睇呢啲梗係返內地啦,
不過呢個都係一個出名嘅景點, 第一次嚟就要去吓嘅.
我哋嘅午餐就係喺裡面間餐廳食嘅, 食咗出名嘅苦瓜炒蛋,
都幾好味, 我啲 friend 就話好食過香港嗰啲.
我都無乜點食, 你睇吓我, 成隻燒豬鞏, 就係尋日晒成咁囉,
攪到我無晒心機, 因為好痛呀.... 掂吓都痛呀, 晒太陽又痛喎,
陰公. 所以我都唔擔遮嘅都要擔. 原本諗住呢個行程影多多相,
返嚟寫翻個充實遊雞㗎嗎, 但係連影相都無心機呀. 仲要成團人得我一個係咁詐.
激死......
"Gala 青之海"
呢個係一個風景好靚嘅地方,
雖然無乜特色, 但係個環境好司服, 好悠閒, 都幾值得嚟㗎,
不過跟團應該唔會嚟, 要自己去先得. 呢到係出產海鹽嘅,
所以有海鹽雪糕食, 又係食到最尾先有啲鹹味, 甜甜鹹鹹嘅感覺幾特別.
跟住落嚟就係此行嘅目的,
就係比啲小朋友整海鹽喇. 有一個炭爐, 上面放一個兜仔,
倒入啲海水, 跟住等佢滾, 要攪住佢㗎, 最後佢就會燒淨一兜鹽喇.
要 1500 yen 一兜, 所以四個人玩一兜.
燒完之後, 佢會有一個罌比你帶走啲鹽!
"美國村"
美國村其實無乜特別,
我哋都係行咗一個商場仔, 就去食嘢喇. 開頭諗住去日落沙灘睇日落,
不過趕唔切, 喺行車嘅中途太陽伯伯已經收咗工喇. 我哋嘅晚餐係喺一間麵店到食,
無乜特別所以無影啲嘢食. 我發現原來我哋都食咗好多餐麵喎. 哈哈.... 食完之後,
又到咗我哋嘅重頭節目, 就係花火大會喇. 啲小朋友玩得好開心,
因為佢哋全部都未放過煙花㗎. 開頭我哋見到有人喺日落沙灘放, 我哋又跟住啦, 點知後尾有個食蕉話唔得喎.
咁我哋咪走囉, 正當惆悵緊去邊到燒之際, 突然見到又條河邊小路,
咁我哋咪行入去鬼鬼鼠鼠, 開開心心咁放晒啲煙花囉!
つつぐ
沒有留言:
發佈留言