快樂嘅時光過得特別快, 不經不覺已經嚟到第四日喇, 好快又要走喇! 真係唔捨得呀.
"海洋博公園 ~ 美之海水族館"
點解沖繩咁多藍天白雲嘅?
鯨鯊歡迎你!
由我哋酒店出發揸車去水族館要成兩個鐘到, 如果可以, 我覺得住喺近嗰邊會慳返啲時間囉. 我哋因為遲咗出門口, 所以去到都已經差唔多十一點幾喇, 但係原定十一點半係離開嘅. 好匆匆忙忙咁睇咗一轉呢個水族館, 連表現都無時間睇, 真係可惜. 呢到仲有我最鐘意嘅海豚表現同活動, 但係我都無時間玩. 唯有寄望下次啦.
一入門口呢個位可以摸啲海星呀,
珊瑚!
終於嚟到呢個咁大嘅魚缸喇, 睇吓啲人幾渺小, 鯨鯊出場喇. 佢真係好大條呀, 平時睇電視就見得多喇. 其中一條有啲魚仔係咁癡住佢呀!
"大家"餐廳
今日午餐我哋就係喺呢間餐廳食喇, 呢間屋係有百年歷史㗎喇, 不過間餐廳就唔係, 佢午餐唔係鞏多選擇㗎咋, 得幾樣嗟, 其中一個係豬手麵啦, 另一個就係豬肉烏冬. 不過呢到都係食環境㗎嗟.
"萬座毛"
呢個鞏出名嘅景點梗係要嚟啦,
我哋大家都認為呢到好靚, 不過超大風呀, 我懷疑如果打風嗰時, 真係會吹咗你落海呀. 睇吓, 有人影婚紗相呀, 靜靜雞話你知: 佢識講廣東話㗎.
沒有留言:
發佈留言